எங்களைப் பற்றி அறிய
நாமக்கல் மாவட்டத்தில் அமைந்துள்ள கொல்லிமலை, இயற்கை எழில் கொஞ்சும் ஒரு சுற்றுலாத் தலமாகும். இது கடல் மட்டத்திலிருந்து சுமார் 1000 முதல் 1300 மீட்டர் உயரத்தில், கிழக்குத் தொடர்ச்சி மலையின் ஒரு பகுதியாக அமைந்துள்ளது. இந்த மலையில் உள்ள 70 கொண்டை ஊசி வளைவுகள் பயணிகளுக்கு ஒரு சவாலான மற்றும் வியப்பூட்டும் அனுபவத்தைத் தருகின்றன
வல் வில் ஓரி
வல்வில் ஓரி என்பவர் சங்க காலத்தில், கி.மு. மூன்றாம் நூற்றாண்டு முதல் கி.பி. இரண்டாம் நூற்றாண்டு காலத்தில் வாழ்ந்த குறுநில மன்னர் மற்றும் கடையேழு வள்ளல்களில் ஒருவராவார்.
ஆட்சிப் பகுதி:
இவர் தற்போதைய நாமக்கல் மாவட்டத்தில் உள்ள கொல்லிமலையைத் தலைமை இடமாகக் கொண்டு ஆட்சி செய்தார்.பெயர்க் காரணம்:
'வல்வில்' என்பதற்கு 'வல்லமை பொருந்திய வில்' என்று பொருள். இவரது அசாத்திய வில் வித்தை திறமையால் இப்பெயர் பெற்றார்.வில்லாற்றல்:
ஒரே அம்பினால் யானை, புலி, மான், காட்டுப்பன்றி மற்றும் உடும்பு ஆகிய ஐந்தையும் வீழ்த்தியதாகப் புலவர் பரணர் இவரைப் புகழ்ந்து பாடியுள்ளார்.
- ஓரி வில் வேட்டையில் வல்லவன்.
அவன் வேட்டையாடிய அம்பானது
யானையை விழச் செய்துவிட்டு,
புலியைக் கொன்றுவிட்டு,
மானை உருண்டுவிழச் செய்துவிட்டு,
பன்றியை வீழ்த்திவிட்டு,
அருகில் புற்றில் இருந்த உடும்பின்மீது பாய்ந்து நின்றதாம்.
இப்படிப்பட்ட திறமையை ‘வல்வில் வேட்டம்’ என்று குறிப்பிடுவர். இப்படி உடும்பின் மீது பாய்ந்து கிடக்கும் அம்பினை எய்தவன் யார்? வேட்டையாடி விற்றுப் பிழைப்பவன் அல்லன். செல்வம் மிக்கவன் என அவன் மார்பில் அணிந்திருக்கும் ஆரம் காட்டுகிறது. பயமலை(கொல்லிமலை) அரசன் ஓரியாக இருக்குமோ, வேறு ஒருவனோ? யார் ஆயினும் ஆகுக. விறலி! இவன்மீது ஒரு வண்ணம் பாடுவோம். நீங்களும் முழவை முழக்குங்கள். யாழை மீட்டுங்கள். களிறு போல் ஒலிக்கும் தூம்பு ஊதுங்கள். எல்லரித் தாளத்தில் இசை எழுப்புங்கள். பதலை என்னும் குடத்தில் கடப்பண் எழுப்புங்கள். மதலை என்னும் பண்-ஆட்டக்கோலை கையில் ஆட்டுங்கள். 21 பண்திறத்தை முறையாகப் பாடி முடித்த பின்னர் நம் வழக்கப்படி “கோ” என்று கூட்டிசை எழுப்புவோம் – என்றார் புலவர். பாணர்கள் அவ்வாறே செய்தனர். முடிவில் ‘கோ’ என்னும் ஒலியுடன் கூட்டிசை எழுப்பியபோது அந்த இசையைக் கேட்ட ஓரி அவர்கள் தன்னை அரசன் என உணர்ந்துகொண்டனர் என எண்ணி நாணிக்கொண்டு நின்றான். நாணி நின்றது கண்ட புலவர் இவன் உண்மையிலேயே அரசன் (ஓரி அரசன்) என உணர்ந்துகொண்டார். “நாங்கள் தொலைவிலுள்ள நாட்டிலிருந்து வருகிறோம். இங்கு உனக்கு ஒப்பான வேட்டுவர் யாரும் இல்லை” என்று பாராட்டிவிட்டுத் தம் விருப்பத்தைத் தெரிவிக்க முயன்றார். அதற்குள் அவன் தான் வேட்டையாடிக் கொண்டுவந்த மானைச் சுட்டு அதன் கறியையும், ஆவின் நெய் போன்ற தேனையும் கொடுத்து உண்ணச் செய்துவிட்டு, அவன் மலையில் கிடைக்கும் குறைவற்ற பொன்மணிக் குவியலை அந்தக் காட்டிலேயே தந்து ஏற்றுக்கொள்ளும்படி வேண்டினான். அவன் கொல்லிமலை அரசன் (வல்வில் ஓரி) பாடல் 'வேழம் வீழ்த்த விழுத் தொடைப் பகழி பேழ் வாய் உழுவையைப் பெரும்பிறிது உறீஇ, புழல் தலைப் புகர்க் கலை உருட்டி, உரல் தலைக் கேழற் பன்றி வீழ, அயலது ஆழல் புற்றத்து உடும்பில் செற்றும், 5 வல் வில் வேட்டம் வலம் படுத்து இருந்தோன், புகழ்சால் சிறப்பின் அம்பு மிகத் திளைக்கும் கொலைவன் யார்கொலோ? கொலைவன் மற்று இவன் விலைவன் போலான்; வெறுக்கை நன்கு உடையன்; ஆரம் தாழ்ந்த அம் பகட்டு மார்பின், 10 சாரல் அருவிப் பய மலைக் கிழவன், ஓரி கொலோ? அல்லன்கொல்லோ? பாடுவல், விறலி! ஓர் வண்ணம்; நீரும் மண் முழா அமைமின்; பண் யாழ் நிறுமின்; கண் விடு தூம்பின் களிற்று உயிர் தொடுமின்; 15 எல்லரி தொடுமின்; ஆகுளி தொடுமின்; பதலை ஒரு கண் பையென இயக்குமின்; மதலை மாக் கோல் கைவலம் தமின்' என்று, இறைவன் ஆகலின், சொல்லுபு குறுகி, மூ ஏழ் துறையும் முறையுளிக் கழிப்பி, 20 'கோ' எனப் பெயரிய காலை, ஆங்கு அது தன் பெயர் ஆகலின் நாணி, மற்று, 'யாம் நாட்டிடன் நாட்டிடன் வருதும்; ஈங்கு ஓர் வேட்டுவர் இல்லை, நின் ஒப்போர்' என, வேட்டது மொழியவும் விடாஅன், வேட்டத்தில் 25 தான் உயிர் செகுத்த மான் நிணப் புழுக்கோடு, ஆன் உருக்கு அன்ன வேரியை நல்கி, தன் மலைப் பிறந்த தா இல் நன் பொன், பல் மணிக் குவையொடும் விரைஇ, 'கொண்ம்' என, சுரத்திடை நல்கியோனே விடர்ச் சிமை 30 ஓங்கு இருங் கொல்லிப் பொருநன், ஓம்பா ஈகை விறல் வெய்யோனே! - திணை பாடாண் திணை; துறை பரிசில் விடை. வல் வில் ஓரியை வன்பரணர் பாடியது.
கொடைத்தன்மை:
பாணர்களுக்கும் புலவர்களுக்கும் தனது நாட்டையே பரிசாக அளிக்கும் அளவுக்குப் பெரும் வள்ளலாகத் திகழ்ந்தார்.வரலாற்று நிகழ்வு:
இவர் சேரர்களுக்கு ஆதரவாகவும், காரி (மலையமான் திருமுடிக்காரி) என்பவருக்கு எதிராகவும் போரிட்டு வீரமரணமடைந்தார் என இலக்கியங்கள் கூறுகின்றன.நினைவு விழா:
கொல்லிமலை ஊராட்சி ஒன்றியம்
கொல்லிமலை ஊராட்சி ஒன்றியத்தில் மொத்தம் 14 ஊராட்சி மன்றங்கள் (கிராம ஊராட்சிகள்) மற்றும் 16 வருவாய் கிராமங்கள் உள்ளன. இந்த ஊராட்சிகள் வரலாற்று ரீதியாக "நாடுகள்" என்று அழைக்கப்படுகின்றன. இந்த ஊராட்சிகள் அனைத்தும் 270-க்கும் மேற்பட்ட சிறிய குக்கிராமங்களை உள்ளடக்கியவை.
- வாழவந்தி நாடு
- வளப்பூர் நாடு
- அரியூர் நாடு
- தின்னனூர் நாடு
- குண்டூர் நாடு
- சேளூர் நாடு
- தேவனூர் நாடு
- ஆலந்தூர் நாடு
- குண்டனி நாடு
- திருப்புலி நாடு
- எடப்புலி நாடு
- சித்தூர் நாடு
- பெரக்கரை நாடு
- பையில் (பயில்) நாடு
16 வருவாய் கிராமங்கள்
நிர்வாக வசதிக்காக கொல்லிமலை வட்டம் 16 வருவாய் கிராமங்களாகப் பிரிக்கப்பட்டுள்ளது. இவை இரண்டு முக்கிய உள்வட்டங்களின் கீழ் வருகின்றன:
- வாழவந்தி நாடு உள்வட்டம் (7 கிராமங்கள்): வாழவந்தி நாடு, வளப்பூர் நாடு, அரியூர் நாடு, தின்னனூர் நாடு, குண்டூர் நாடு, தேவனூர் நாடு மற்றும் ஒரு பகுதி.
- திருப்புலி நாடு உள்வட்டம் (9 கிராமங்கள்): திருப்புலி நாடு, எடப்புலி நாடு, சேளூர் நாடு, சித்தூர் நாடு, பையில் நாடு, ஆலந்தூர் நாடு, குண்டனி நாடு, பெரக்கரை நாடு மற்றும் பெலாப்பாடி நாடு.